تاند(جمعه، د میزان۲۹) راپورونه وايي چې د طالبانو د حکومت امنیتي ځواکونو د کابل په بني حصار سیمه کې په یوه کور کې داعشیان محاصره کړي دي.
د دې راپور تر ترلاسه کېدو مخکې په سیمه کې د لږترلږه دوو چاودنو او ورپسې د ډزو غږونه اورېدل شوي وو.
وروستي راپورونه وايي چې د کابل ښار د اتمې حوزې په بني حصار کې طالبانو پر یوه لوړه ودانۍ کې، چې د داعش غړیو پکې پناه اخیستې ده، عملیات پیل کړي دي.
تراوسه پورې د عملیاتو په نتیجه کې د مرګ ژوبلو په باب څه نه دي ویل شوي او لا هم ډزې اورېدل کېږي.
د طالبانو د حکومت ویندوی ذبیح الله مجاهد د تاند د خبر تر خپرېدو وروسته پر خپله ټویټر پاڼه ولیکل:
خبرتـــــیا!
د کابل ښار په ۸ مه ناحیه کې د خوارجو (داعشیانو) يو پټن ځای کشف شوی چې عملیات پرې روان دي، د کابل ښاریان دې تشویش نه کوي.اطلاعیه!
در مربوطات حوزه ۸ شهر کابل یک مخفی گاه خوارج (داعیشی ها) کشف شده وعلیه آن عملیات جریان دارد، همشهریان کابل تشویشی نداشته باشند.— Zabihullah (..ذبـــــیح الله م ) (@Zabehulah_M33) October 21, 2022
د دې خبر جزییات وروسته وړاندې کېږي.