تاند- جاپاني ساینسپوهانو داسې ګروپ یا څراغ جوړ کړی چې باکتریاوې او ویروسونه په داسې ډول وژني چې انسان ته هیڅ زیان نه پېښوي.
د جاپان د ریکن څېړنیز انستیتیوت فزیکپوهان وايي چې دا ایل اي ډي (LED) ګروپ د نړۍ د بیلابیلو هیوادونو له خلکو سره مرسته کولی شي چې په خونو کې د ناروغیو زېږوونکي ویروسونه او باکټریاوې ووژني او له ساري ناروغیو خوندي شي.
دوی وايي، دا میکروب وژونکي ایل اي ډي ګروپونه د ویروسونو او باکتریاوو په له منځه وړلو کې ډېر اغېزمن دي او په ځانګړي ډول د روغتونونو د میکروبي ضد کولو لپاره ډیر ګټور دي.
دا ایل اي ډي ګروپ پروفیسر (ماسافومي یو) او ملګرو یې ډیزاین کړی دی.
د دغه ګروپ بله ښه ځانګړنه دا ده چې ایل اي دي دی چې کم مصرف لري.
په نړۍ کې د کورونا وبا له خپرېدو وروسته دا ډول اختراعاتو ته د ساینسپوهانو او څېړونکو پام زیات شوی دی.