تاند:(شنبه ،د ميزان ۱۶مه) يوې روسي ورځپاڼې په افغانستان کې د خراسان د داعش ډلې د فعالیتونو په اړه ليکلي،چې له پاکستان څخه سرچينه اخلي.
د نیزاویسیمایا گازیتا په نوم دغې روسي ورځپاڼې په یوه مطلب کې لیکلي،چې د پاکستان تر کنټرول لاندې د پښتونخوا د اورکزيو، باجوړ، پېښور سیمو تر څنګ بلوچستان ايالت هغه ځايونه دي،چې داعش ډله پکې فعاليت کوي.
یاده ورځپاڼه خبرداری ورکوي،چې د دغې ډلې فعالیت او ورته تبلیغات به د سیمې هېوادونو ته ښې پايلې ونه لري.
سرچينه زياتوي،چې د طالبانو له بيا واکمنيدو سره داعش ډلې د جنوبي اسیا تر څنګ په مرکزي اسيا کې خپل فعاليتونه پراخه کړي دي.
پاکستاني چارواکو او په افغانستان کې د طالبانو حاکمې ادارې په دې اړه څه نه دي ويلي.