زه وايم چي کند دي وي کابل دي وي
دی وايي کابل دي وي د بل دي وي
زه وايم لغمان دي وي پغمان دي وي
دی وايي پنچال دي اجل دي وي
زه وايم پکتيا دي وي رښتيا دي وي
دی وايي لاهور دي وي کورجل دي وي
_____
زه وايم پښتو دي وي عزت دي وي
دی وايي پيسې دي وي بې پت دي وي
زه وايم وروغي او عدالت دي وي
دی وايي نخرې دي وي رشوت دي وي
زه وايم غني دي وي غيرت دي وي
دی وايي تالب دي وي هيبت دي وي
_____
زه وايم رمه دي وي کيږدۍ دي وي
دی وايي غوړي دي وي څوکۍ دي وي
زه وايم چي خپله ناوکۍ دي وي
دی وايي پرېدۍ دي وي نجلۍ دي وي
زه وايم کوچۍ دي وي نتکۍ دي وي
دی وايي پارسۍ دي وي نرۍ دي وي
_____
زه وايم نجيب دي وي په دار دي وي
دی وايي ملا دي وي زما يار دي وي
زه وايم د ګوند دي وي دلدار دي وي
دی وايي زما واک دي وي اغيار دي وي
زه وايم کردار دي وي ګفتار دي وي
دی وايي زردار دي وي چلتار دي وي
_____
زه وايم د سپيني توري شړنګ دي وي
دی وايي څوکۍ دي وي پالنګ دي وي
زه وايم وطن دي وي او ننګ دي وي
دی وايي موټر دي وي او جنګ دي وي
زه وايم لمبه دي وي پتنګ دي وي
دی وايي سنګر دي وي خو څنګ دي وي
_____
زه وايم شلومبې دي وي تروې دي وي
دی وايي ښايستې دي وي ترخې دي وي
زه وايم تنظيم دي وي وراشې دي وي
دی وايي چي زه يم فيصلې دي وي
زه وايم بدلون او ولولې دي وي
دی وايي تيارې او عقيدې دي وي
_____
زه وايم ټوپک دي وي پتک دي وي
دی وايي چي چانس دي وي چابک دي وي
زه وايم تاجک دي وي ازبک دي وي
دی وايي تالب او پنجابک دي وي
زه وايم ژړک دي وي زمرک دي وي
دی وايي مريی دي وي لړتک دي وي.
_____
نېټه : ۲۸ ستمبر ۲۰۲۲ م
بلوچستان پوهنتون کوټه