تاند(چهارشنبه، د میزان ۱۳مه) د بریتانیا د مانچستر پوهنتون څېړونکي د یوې داسي چپنې پر جوړولو کار کوي چې په کمره کې نه لیدل کېږي.
د ډیلي مېل ورځپاڼې د راپور له مخې، دا ډول جامې به ژر راووځي او څېړونکي وايي چې د دوی نهايي تولید به له ۵ تر ۱۰ کلونو پورې چمتو شي.
د دغه کوټ یا چپنې د جوړولو هدف دا دی چې اغوستونکی یې په کمره کې څرګند نه شي.
د جوړوونکو په وینا دا چپنه به نه یوازې په عادي رڼا کې بلکې د څراغ رنآ ته هم نه ښکاري.
د دې چپنې نمونه، چې له ۴۲ ټوټو جوړه شوې او هره برخه یې ۱۰۰ استره لري، چمتو شوې ده.
څېړونکي وايي چې اوس په دې کار کوي چې د چپنې ټوټې کمې کړي چې لا سپکه شي.