تاند:( چار شنبه ،د ميزان ۶مه) د امریکا متحده ایالاتو دفاع وزارت تایید کړه،چې په ۲۰۲۱ ميلادي کال کې ېې ۱۲ملکي وګړي وژلي او ۵ نور يې ټپيان کړي وو.
د دغه وزارت د معلوماتو له مخې، له دې جملې ۱۰ تنه له افغانستان څخه د ټولو امريکايي ځواکونو د وتلو نه يوه ورځ مخکې په کابل ښار کې وژل شوي وو.
په دې برید کې د يوې کورنۍ د ۷ ماشومانو په ګډون نور غړي په نښه شوي وو.
امریکا هغه مهال ادعا وکړه، چې په دې برید کې د داعش ډلې غړي په نښه شوي دي.
د طالبانو ادارې،چې دا پېښه ېې د تازه واکمنيدو په ورځو کې وشوه، تر اوسه د يادې پېښې په اړه امريکايي چارواکو سره خبرې نه دي کړي، خو د پېښې د قربانیانو کورنیو له امریکا څخه د تاوان غوښتنه کړې وه.