تاند:( چار شنبه،د سنبلې ۳۰مه) د موبي ګروپ مشر سعد محسني،چې د طلوع نيوز په ګډون مختلفې رسنۍ لري وايي، چې پر د طالبانو پر حاکمې ادارې په پنجشېر کې د نسل وژنې تور حقیقت نه لري.
نوموړی زياتوي،چې په دې اړه یوازې پروپاګند کېږي او شوې ادعاوې واقعيت نه لري.
په وروستيو کې د طالبانو يوه مخالفه جنګي ډله(پنجشېر مقاومت ډله) طالبان په شدت سره تورنوي چې پنجشېر کې ېې د تاجیکانو نسل وژنه پیل کړې ده.
دا په داسې حال کې ده،چې د ملګرو ملتونو د سرمنشي د ځانګړي استازي دفتر يوناما يوازې د طالبانو له لوري د پنجشېر مقاومت ډلې د يو شمېر اسیر شويو وسله والو وژل کيدل تاييد کړي او د نسل وژنې ادعاوې نه ولسي خلکو او نه هم نړیوالو بشري ادارو تایید کړي دي.
د پنجشېر مقاومت ډلې مخالفان دغه ډله د طالبانو پر وړاندې د جنګ میدان کې له ناکامۍ وروسته د قومي تفرقې په هڅو تورنوي او وايي دا ډول ادعاوې افغانستان ته ډېرې بدې پایلې لري.