تاند:(دوشنبه،د سنبلې څوارلسمه) د طالبانو د حاکمې ادارې چارواکي وايي،چې د تېرې شپې زلزلې په کونړ کې مالي او ځاني زیانونه اړولي دي.
د کونړ د اطلاعاتو او فرهنګ طالب رییس مولوي نجیب الله حنیف وايي چې بېګاه د نور ګل ولسوالۍ په ودیر سیمه کې سختې زلزلې ۸ کسانو ته مرګ ژوبله اړولې او لسګونه کورونه یې هم ویجاړ کړي دي.
د نوموړي د معلوماتو له مخې، د دغې زلزلې ښايي تلفات نور هم لوړ شي.
بېګانۍ زلزله په پلازمېنې کابل، جلال اباد ښار او يو شمېر نورو سيمو کې هم محسوسه شوې ده.
د زلزلې د زيانونو دقیق جزییات تر اوسه نه دي ترلاسه شوي.