تاند( پنجشنبه، د سنبلې لسمه) د کاپیسا ولایت د مرکز محمود راقي په پنجره سیمه کې امام ابوحنيفه دارالعلوم يو استاد مولوي نصرالله،چې ويل کيږي د اهل حدیث مذهبي نظريې اړوند و، پرون ناڅرګندو کسانو وژلی دی.
د ځايي سرچينو د معلوماتو له مخې، نوموړی د خپل زوی او وروڼو په مخکې په ډزو ويشتل شوی.
د طالبانو ځايي چارواکو په دې اړه څه نه دي ويلي،خو د اهل حدیثو یا سلفي ملايانو د وژلو پړه په عام ډول پر طالبانو اچول کیږي.
د طالبانو له واکمنيدو سره دوی اهل حدیث ملایانو سره له دې کبله د وژنو تر حده په ناوړه چلند تورن شول،چې ګواکې دغه ملایان د داعش ډلې هم نظره او فکري سرچېنې بولي.
طالبانو بیا د اهل حدیثو ملايانو او ور ته د معتقدو خلکو وژل او شکنجه کول رد کړي دي.
بلخوا: د بلخ په مرکز مزارشريف ښار کې د وزګارتیا له کبله د رستم په نوم د یوه ځوان د ځانوژنې او په تخار کې ځانته د یوې نجلۍ د اور اچولو خبرونه ورکړل شوي
د رستم په اړه ويل شوي،چې واده ېې کړی و او یو درې کلن زوی لري.
په تخار کې د هوا په نوم د ځان سيزونکې نجلۍ د ځان سيزلو دلیل کورنۍ شخړه ګڼل شوې ده.