تاند( سې شنبه ، د سنبلې اوله) د حقاني شبکې مشر او د طالبانو د کورنیو چارو سرپرست وزیر سراج الدین حقاني پرون په افغانستان کې د اروپايي ټولنې له استازي آرنوټ پاولز سره لیدلي.
د نوموړي د مطبوعاتي دفتر په یوه اعلامیه کې راغلي،چې دا لیدنه په افغانستان کې د پاولز د دندې د پای ته رسېدو په مناسبت شوې او د بېړنیو بشر دوستانه مرستو او د مرستندویه لوريو د امنیت په اړه خبرې پکې شوي.
د طالبانو د کورنیو چارو وزارت په اعلامیه کې زیاته شوې،چې حقاني د اروپايي ټولنې له استازي پاولز نه مننه وکړه چې پخپل ماموریت کې یې له افغانستان سره د بشري مرستو هڅې وکړې.
طالب وزير هیله مندي وښوده چې یاده ټولنه به له افغانانو او په ځانګړې توګه د وروستيو طبعي پېښو له قربانیانو سره خپلو همکاريو ته دوام ورکړي.
سراج الدين حقاني د اروپايي ټولنې دغه استازي ته ډاډ ورکړی،چې د بشري مرستو د کارکونکو امنیت ته نوره هم جدي پاملرنه کوي.
دا غوښتنه په داسې حال کې شوې،چې وروستيو طبيعي پېښو افغانستان په شدت سره ځپلی او د سلګونه تنو د مرګ ژوبلې تر څنګ ېې زرګونه کورونه وېجاړ کړي.
او خره د ګیانې خر ځدراڼه ! ته نه شر میږي چې د ښځو حقوق تر پښو لاند کوې او ښځو ته د انسان او پيشو په سترګو نه ګورې خو مرسته غواړې
ځناوره بی ستا له غوښتنې مونږ مرسته کوو ، ستا د مخ ورک شي ځناوره جاهله !!