تاند( پنجشنبه ، د اسد ۲۷ مه) ټاکل شوې،چې سبا د جمعې په ورځ له افغانستان څخه د باندې د طالب مشرانو د سفرونو لپاره د ملګرو ملتونو د امنیت شورا د ورکړې اجازې موده پای ته ورسیږي.
د دې مودې د تمديد او نه تمدید په اړه پرون د ملګرو ملتونو د نړیوالو بندیزونو د کمیټې په غونډه کې ناندریز بحثونه شوي.
د الجزيرې تلويزيون یوې خبریالې په دې اړه لیکلي:«د ۹۰ ورځو لپاره د ۱۳ طالب چارواکو د سفر د معافیت تمدید په اړه د چین او روسیې وړاندیز د بریتانیا، فرانسې، البانیا او ایرلنډ له خوا رد شو.»
له دې سره ویل کېږي،چې امریکا متحده ایالاتو قطر ته د ۶طالب مشرانو د سفرونو د اجازې د تمدید غوښتنه وکړه،خو دا غوښتنه د چين او روسيې له لوري رد شوی.
شنونکي فکر کوي،چې امریکا او د سیمې قدرتونه ټول د طالبانو په مشرانو کې يو شمېر کسان خپل کړي او د دوی د سفرونو د اجازې په اړه هم ټول لوري خپلو ګټو او استخباراتي هدفونو ته په کتو سره پريکړه کوي.
طالبانو په دې اړه څه نه دي ويلي.
په دي سره دا حقيقت نور هم ښه څرګنديږي چې ددي شطرنج لوبي اصلي لوبغاړي څوک دي او څوک په کي د بي اهمیته «پياده» رول لوبوي…
کاشکی انګریزی او امریکائی استعمارګرانو او توطئه ګرانو ټولو طالب مشرانو او کشرانو ته د ټولی نړۍ هیوادونو ته د سفر جواز ور کړئ وای خو د افغانستان پر خاوره ئې د تسلط اجازه نه وای ورکړې.
( چی د امریکې او طالب تر منځ زرګری جګړه به په څه تمامه سی، معلومه نه ده ).