تاند( جمعه ، د اسد ۲۱ مه) په ننګرهار کې د طالبانو د انتحاري او نورو وژونکو بریدونو د مشهور وژل شوي مفتي ملا رحيم الله حقاني او د هغه د ورور د جنازې لمونځ شوی او هملته خاورو ته سپارل شوي.
د نوموړو جنازه د جلال اباد ښار په شېرزي لوبغالي کې،چې طالبانو د خپل یوه قومندان اول ګل مجاهد په نوم نومولی، ترسره شوي دي.
د دغې جنازې په مراسمو کې د ننګرهار لپاره د طالبانو د والي حاجي ملا محمد نعيم اخند تر څنګ د طالبانو د لوړو زده کړو وزير شيخ عبدالباقي حقاني او نورو چارواکو ګډون کړی و.
د طالبانو د وژنو مفتي شيخ رحيم الله حقاني او ورور يې مولوي نقيب الله پرون د دوی په مدرسه کې،چې ويل کيږي تر ډېره ځانمرګي بريدګر پکې روزل کیدل، د داعش ډلې د یوه برید پر مهال ووژل شول.
ملا رحيم الله حقاني له آره د ننګرهار د پچير اګام ولسوالۍ اړوند د ملا فيروز کلي وو.
نوموړی له خپل ورور سره يو ځای د جلال اباد ښار پنځمې ناحيې اړوند د اصحاف صفه مدرسې الفتح جومات تر څنګ خاورو ته وسپارل شول.
په ټولنيزو رسنيو کې د طالبانو ډېرو منتقدینو د دغه ملا هغه ویډیوګانې خپرې کړي،چې دی پکې د جمهوري نظام د امنيتي ځواکونو او نورو افغانانو د وژلو فتواوې ورکوي.
دغو منتقدانو طالب مشرانو ته خبرداری ورکړی،چې له کړو وژنو پښېمانه او نور له افراطیت څخه لاس واخلي، کنه د پخوانيو تنظيمي مشرانو او قومندانانو په شان له وژنو وروسته به دوی هم ووژل شي او د نورو افراطېانو د خراب مرګ په برخليک به اخته شي.
طالبانو بیا د دغو ملایانو ستاینه کړې او د خپلې جګړې په توجیه کولو کې یې د رول ستاينه کړې.
چې څه کرې هغه به ریبې. الله دې دوزخ اسفل السافلین ته واستوه