تاند( دوشنبه ، د اسد ۱۰ مه) د طالبانو د کورنیو چارو وزارت ويلي، چې د دوی هوايي ځواک د خوست ولایتي ادارې په هڅو د شمل په سیلاب کې ګڼ ایسار کسان دچورلکو په واسطه وژغورل.
سرچينه زياتوي، چې پرون ماسپښین د شمل خوړ چې د لویو سیلابونو شاهد دی یو ځل بیا د سیمې خلک پکې د سیلاب پر مهال د خوړ په منځ کې ایسار پاتې وو.
د طالبانو کورنيو چارو وزارت ويلي، چې ياد شوي کسان د دوی د هوایي ځواکونو لخوا په ځانګړو عملیاتو کې وژغورل شول.
طالبانو د يادو کسانو د شمېر او دغو سېلابونو د زيانونو په اړه څه نه دي ويلي.
په وروستيو کې افغانستان د نورو خونړيو طبیعي پېښو تر څنګ د سختو سېلابونو شاهد دی.
يوازې تېره مياشت دغو سیلابونو په مختلفو سيمو کې سلګونه تنو ته مرګ ژوبله اړولې ده.