تاند( دوشنبه ، د اسد ۱۰ مه) په کابل کې د طالبانو حاکمه اداره وايي، چېد تماس کميسيون له لارې يې په پرزول شوي نظام کې د مارشال دوستم دوه تنه محافظين احمد رشاد رحماني او محمد اصف دلاور هيواد ته راستانه شول.
سرچينه زياتوي:دوی هيواد ته په راتګ سره خوښي وښوده او د تماس کميسيون ايجاد يې يو ډير ښه اقدام او نيک فرصت وباله.
سرچينه دا هم وايي، چې پرونفخرالدین فقیري چې د افغانستان په پرزول شوي نظام کې د بامیان ولایت د داخلي او خارجي امنیت د څارنوالۍ رئیس و، له افغان شخصیتونو سره د تماس کمېسیون له لارې هېواد ته راستون شوی.
طالبانو د دې ترڅنګ د مزار شريف د هوايي ډګر د یوه پخواني مسوولعبدالاحد صافی او د کونړ د ولایتي شورا د يوې پخوانۍ غړې تورپیکۍ رسولي د هېواد ته ستنیدو خبر هم ورکړی.
د طالبانو د ياد شوي کميسيون له جوړيدو سره ډېرو افغانانو په هېواد کې د نظام جوړونې او پخلاينې لپاره د هڅو د پيل هیله لرله، خو د طالبانو په دريځونو کې نه نرمښت او په دې کچه خلکو سره ېې مذاکرات او هېواد ته د ستنولو هڅې دغه کمیسیون کمرنګه کړی دی.