تاند( چار شنبه ، د سرطان ۲۹ ) د طالبانو چارواکو د یوې ویډیو له خپرولو سره ویلي، چې يو تن ېې په کابل کې د اهل تشيعو پر یوه جومات د ځانمرګي برید له ترسره کولو مخکې نیولی دی.
طالبانو دغه کس د داعش ډلې اړوند ګڼلی او ويلي، چې نیول شوي کس د ابو خالد په مستعار نوم په ټولنیزو رسنیو کې د داعش ډلې لپاره د جلب و جذب هڅې کولې.
طالبانو د تورن کس ویډیو هم خپره کړې، چې هغه پکې پر ور پورې شویو تورونو اعتراف کړی دی.
طالبانو په وروستيو ورځو کې په پرله پسې ډول د داعش ډلې د اړوندو کسانو د نیولو خبر ورکړی.
دا په داسې حال کې ده، چې د افغانستان له خاورې پر يو شمېر ګاونډيو هېوادونو د داعش ډلې په نوم د بریدونو او خطرونو د زياتوالي خبرونه هم ورکړل شوي دي.