تاند( چار شنبه ، د سرطان ۲۹ ) د کابل-کاپيسا پر لویې لارې د البيروني پوهنتون د محصلینو د سپرلۍ موټر د چپه کېدو په پيښه کې يو محصل مړ شوی او د اتو نجونو په ګډون ١٣ نور زده محصلین ټپيان شوي دي.
د طالبانو تر کنټرول لاندې باختر خبري اژانس د يادې پېښې په اړه همدومره معلومات خپاره کړي، خو نور جزییات یې نه دي ورکړي.
په وروستيو کې د افغانستان له مختلفو سيمو څخه د ترافيکي پېښو له کبله د مرګ ژوبلې د زیاتیدو راپورونه ورکړل شوي.
پرون په لغمان او څو نورو سيمو کې د طالبانو د جنګیالیو څو رینجر موټرې چپه شول، چې یو شمېر کسانو ته پکې مرګ ژوبله واوښته.
د طالبانو د کابینې په پرونۍ غونډه کې د ترافيکي پېښو د زیاتېدو د ارزونې په اړه يوه کميسيون ته دنده وسپارل شوه، چې دغه وضعیت وڅېړي او خپلې کابينې ته یې راپور وړاندې کړي.