تاند( پنجشنبه ، د سرطان ۲۳ ) د هلمند ګرشک ولسوالۍ کې ۵۰ تنه په کولرا یا شدید نس ناستي اخته شوي دي.
روغتیاپالان وایي چې د ناروغانو درملنه یې پیل کړې او وضعیت یې مخ په ښه کېدو دی.
څو ورځې وړاندې د هلمند په باغران ولسوالۍ کې د کولرا ناروغۍ له امله ۱۸ تنه مړه شوي وو.
له زابل وروسته هلمند دوهم ولایت دی چې کولرا ناروغي په کې خپره شوې ده.
د دغو ناروغانو د درملنې خپاره شوي عکسونه بيا – بیا څرګندوي، چې ځايي روغتاپالان ېې د لارو کوڅو څنډو ته په لومړنيو صحي امکاناتو د درملنې هڅه کوي.
د طالبانو له بیرته په زوره واکمنيدو سره نړۍ د دوی واکمني په رسميت نه پېژني، چې ورسره ېې مرستې هم په هر اړخيزه توګه له افغانستان سره کمې کړي او روغتيايي سکتور د نورو برخو په شان سخت زيانمن شوی دی.