تاند( چار شنبه ، د سرطان ۲۲ ) د هالنډ حکومت اعلان وکړ، چې ۱۸۱ افغانان يې تېره شپه په یوه چارتر کړې الوتکه کې له پاکستان څخه خپلې خاورې ته ليږدولي دي.
د هالنډ د بهرنیو چارو وزارت له ډېرو جزییاتو پرته ویلي، چې ویستل شوي کسان د دوی پر شرايطو برابر وو.
معلومه نه ده، چې دغه کسان د هالنډ اړوند پخواني افغان کارکوونکي وو که د خطر سره مخامخو قشرونو اړوند دي.
په وروستيو کې له پاکستان څخه بهرنیو هېوادونو ته د افغانانو د لېږد بهیر چټک شوی دی.
د افغانستان د نظام له سقوط څخه وروسته، په سلګونه زره افغانان د طالبانو له ولکې او خطر څخه د ځان ژغورلو او نورو هېوادونو ته د تلو د زمینه برابرولو لپاره پاکستان او نورو هېوادونو ته کډوال شوي دي.