تاند( جمعه ، د سرطان لسمه ) د پښتونخوا په مردان کې د پښتو پر سندرغاړې او فلمي لوبغاړې نیلم ګل برید شوی دی.
پر نوموړې د برید کوونکو هویت نه دی په ډاګه شوی.
راپورونه وايي ، چې نیلم ګل ټپي ده او په روغتون کې ېې د درملنې هڅې روانې دي.
د دغه برید مسؤولیت چا پر غاړه نه دی اخیستی.
د پاکستان تر کنټرول لاندې د پښتونخوا په مختلفو سیمو کې مذهبي سخت دریځي هنر او فرهنګ ته په ښه سترګه نه ګوري، چې له دې کبله ډېر وخت داسې پېښې رامنځته کیږي.