ټالبان په هغه دین چې دوی ئې ځانونه ټېکه داران بولي ، پوره عقیده نه لري .
دروغ ویل چې د ایمان زوال دی ، ترټولو لویه ګناه ده . الله تعالی کا‌ذبین دوست نه لري . او پر هغوی ئې لعنت ویلی دی د آل عمران سوره 61 آیت
دروغ چې په عربي کې کذب ورته وايي ، له حقیقت نه خلاف خبرې ته وایی، یعنې حقیقت پټوي او د هغه برخلاف یوه خبر کوي .
« إِنَّ اللَّهَ لا یهْدِی مَنْ هُوَ كاذِبٌ كَفَّار» د زمر سورته 3 آیت
« ْ إِنَّ اللَّهَ لا یهْدِی مَنْ هُوَ مُسْرِفٌ كَذَّاب‏» سوره غافر آیه ۲۸
ستاسو حکومت کې یواځې ټالبانو او ملایانو په دولتي څوکیو چې د ټول ملت مال او امانت دی ، خېټه اچولې ده ، مسلکي او په کار پوه کسان دهېڅ وزارت او مقام په رأس کې نشته او حتی عادي مامورین هم په یوه او بله پلمه له کاره شړئ .
ستاسو تش په نوم حکومت کې ښځو ته چې د ټولنې نیمه برخه جوړوي ، د کار ځای نشته ، یوڅو محدودې ډاکترانې او نرسانې او یوڅو ښځینه پولیسې د ضرورت لپاره کار کوی خو په حقیقت کې د هغوڅو محدودو ښځو موجودیت بیاهم ستاسو مخالفت له ښځو سره نشي پټولی.
د ښځو محرومول له زده کړې او تحصیل نه ، ستاسو تر ټولو لوی فرهنګی او علمي جرم دی چې د ټولو اسلامي او انساني اصولو سره تضاد لري .
ستاسو په حکومت کې د افغانستان د ټولو ولایتونو او قومونو واقعي ، وطندوسته ، ملي اشخاص نه لیدل کیږي .
د ټالبانو په سرپرسته اداره کې ځینې داسې کسان لیدل کیږي چې افغانیت ئې تر سوال لاندې دی لکه ملا متقي او ملاعبدالباقي حقاني . د ملاهبت ژوند او مرګ لا بله معما ده چې په دې نوم څوک وو او که هسې افسانوي نوم دی ؟
د ملګرو ملتونو او نړیوالو مرستې یواځې پرټالبانو او د هغوي پر خپلوانو وېشل کیږي او نور ملت که له ولږې مړه کیږي ، دوی ته هېڅ ارزش نه لري . دا ستاسو «عمري » عدالت دی .
له بیت المال سره خیانت او د ملي اردو وسلې ، مهمات او تجهیزات چې په قاچاقي توګه ګاونډیو هېوادونو ته د شپې او ورځې روان دي ، نه انکار کوونکی حقیقت دی .