تاند( دوشنبه، د جوزا ۲۳ مه) له پکتيا څخه راپورونه وايي، چې د طالبانو استخباراتو د شفیق الله سحر په نوم یو مدني فعال او د فريد الله تسکين په نوم يو معذور شاعر ډبولي او بنديان کړي دي.
فرید تسکين له څه مودې راهيسې رواني ناروغ و او د سترګو ديد ېې هم کار پريښی و.
د دغو ځوانو فعالانو د نیولو په اړه نور جزییات نه دي ورکړل شوي.
د طالبانو چارواکو په دې اړه څه نه دي ويلي.
پرون له پنجشېر ولايت څخه د طالبانو په لاس د یوه معذور کس د وژلو خبر هم ورکړل شوی و.
د کابل ولايت لپاره د طالبانو والي شېخ ندا محمد نديم تېره اونۍ په يوه غونډه کې طالب جنګياليو ته فتوا ورکړه، چې د طالبانو د هر ډول مخالف او منتقد وژل ورته روا دي او د « جهاد» حیثیت لري.