تاند(دوشنبه، د جوزا ۹ مه) د طالبانو د ماليې وزارت ویلي چې له دې وروسته د تورخم ګمرک له لارې د ډبرو سکرو بار وړونکو موټرو ته د تګ اجازه نه ورکول کېږي.
یاد شوي وزارت ویلي چې دغه اقدام د تورخم ګمرک له لارې د تازه مېوو د صادرېدو او د ترافیکي ګڼې ګوڼې د کمښت لپاره شوی دی.
د طالبانو د خبرپاڼې له مخې، دغه وزارت پریکړه کړې ده چې له دې وروسته به د ډبرو سکرو موټرې د پکتيا، پکتیکا او خوست ولايتونو د بندرونو له لارې انتقالیږي.
دا پریکړه په داسې حال کې شوې، چې په وروستيو کې د طالبانو حکومت پاکستان ته د ډبرو سکرو صادرات زیات کړي او په نړیواله کچه د ډبرو سکرو بيې لوړې شوي دي.
په وروستيو کې د طالبانو يو شمېر چارواکي له هېواده د ډبرو سکرو په ګډون د مختلفو معادنونو په ناقانونه استخراج او قاچاق تورن شوي دي.
د طالبانو لوی مشر ملا هیبت الله اخوند زاده نن د کانونو او پټرولیم وزارت څلور مرستیالان له دندو ګوښه او پر ځای یې نور طالبان ټاکلي دي.
د معدنونو لیلام او چور له ګران افغانستان سره ملي خیانت دی . معدنونه او کانونه د افغانستان ملي سرمایه او د بیت المال یوه برخه ده . ترهغو پورې چې افغانستان کې یو مسؤل دولت نه وي جوړ شوی ، د کانو استخراج ، قاچاق او پلور له وطن سره خیانت دی . عاملین یې باید د ملي خائنینو په توګه مجازات شي .
له بلې خوا د دغو موټرو وزن ستندرد نه دی . باروړونکې لارۍ د هغه اضافه بار له امله چې د افغانستان پر سرکونو تګ راتګ کوي ، سرکونو او لویو لارو ته ویجاړونکې صدمه او ضرر رسوي ، لکه د کابل کندهار هرات جاده ، د کابل لوګر خوست لارې هم ورانوي .
د افغانستان کوئله د شګې په نرخ !!
په نړۍ وال مارکيټ کښې د کوئلې نرخ 330 ډالر ېعنې 66000 روپې پاکستانې دې د تېر شپږ مياشتې نه د افغانستان نه پاکستان ته د کوئلې سوداګري ډېره زياته کړې شوې او د ورځېَ په کچ څه پينځلس زره ټنه کوئله پاکستان ته راځي خو دغه کوئله د شګې په نرخ ېعنې په 3000 افغانې ټن خرڅول شي سره ددې نه چې د افغانستان کوئله د ګرمائش په حواله ډېره معياري ده .
د افغانستان نه څه پينځه دېرش کپمنۍ د کوئلې سوداګري کوي خو ستونزه داده چې د آسټراليا نه راتلونکي کوئله ډېره په ګران نرخ راځي ځکه د هغې په ځائې د افغانستان کوئلې ته پام وراوښتې خو د دغه کوئله ډېر په کم نرخ اخيستل شي بلخوا دغه کوئله کارونکو کارخانو ته دغه د درې زره افغانۍ کوئله په څلريشت زره کالدارو خرڅول شي 85 ډالر ېعنې 17000 کالدارې پدغه ېو مېټرک ټن کوئله د پاکستان له خؤا ټېکس اخيستل کېږي د زړو کانونو سره د سمنګان ، پغمان ، او ځنې نورو سيمو د کوئلې نوې زېرمې هم راسپړدل شوي د پښتونخوا وطن د کوئلې هم نزدې دغه چورتالان روان دی.
مونږ خو د همدې لپاره چیغې وهو چې ترکاڼي د بیزو کار ندی ، او هر سړی پیدا دی خپل خپل کار لره کنه . خو که ملا شاه ګل ئې ومني .