تاند(یکشنبه، د جوزا ۸ مه) د قطر د قطر د بهرنیو چارو وزیر محمدبن عبدالرحمان آل ثاني په افغانستان کې د افراطيت د پرمختګ د مخنيوي لپاره د طالبانو حکومت سره د تعامل زیاتیدو غوښتنه کړې ده.
فایننشال ټایمز ورځپاڼې لیکلي، چې هغه له طالبانو سره د لویدیځ د تعامل زیاتیدو غوښتنه کړې ده.
د دغې بریتانوۍ ورځپاڼې په راپور کې د قطر له قوله ويل شوي:« موږ به د افراطيت او اقتصادي ناورين شاهدان واوسوو، دا وضعيت به نور هم خلک د راډيکاليزم او ډېرو نښتو پر لور سوق کړي».
د قطر د بهرنیو چارو وزیر دغه راز ویلي، چې که نړیواله ټولنه د ناټو ځواکونو له وتو وروسته له طالبانو سره ډېر تعامل کړی وای، کیدای شو چې په افغانستان کې د اسلامي افراطيانو د ځینو اقداماتو مخنيوی وکړي.
دا په داسې حال کې ده، چې طالبان هم په پرله پسې ډول له نړيوالو څخه دوی سره د تعامل زیاتیدو غوښتنه کوي، خو نړيوال ټینګار کوي چې د طالبانو لخوا د افغانانو اساسي حقونو ته د نه درناوي، د ټول ګډونه حکومت د نه جوړولو او له افغان خاورې د ترهګرو ډلو د فعاليتونو د مخنيوي تر نه تضمینه پوری به د طالبانو حکومت په رسمیت ونه پیژني.
قطر د طالبانو له تر ټولو نیږدې لابي کوونکو هېوادونو څخه دی، چې دغې ډلې ته یې په خپل مرکز کې دفتر ورکړی او له امریکا سره ېې د سولې د مذاکراتو کوربه توب کړی و.
اخواني قطر د ديوبنديانو په چوپر کی.
د افراطیت سره تعامل نه بلکه د افراطیت زیلی ختمول پکار دی تر څو افراطیت نشو نما ونه کړی
د افراطیت نیالګی ته چی هرڅومره اوبه او خواړه ورکړل شی نو د افراطیت ثمر به يی لا نور زیات شی.
قطر باید لمړی دا افراطیت په خپل هیواد کی تجربه کړی او بیا دی نورو ته توصیه وکړی