تاند(جمعه، د جوزا ۶ مه) په کابل کې د طالبانو امنيتي مسوولین وایي چې امنیتي ځواکونو د دولسمې حوزې په مربوطاتو کې یو دوه کلن ماشوم د انسان تښتوونکو له منګولو آزاد کړی دی.
د دوی په خبره، د قضیې په تړاو دوه تنه نیول شوي او څېړنې ترې پیل شوي دي.
طالبانو د تښتول شوي ماشوم او تورنو تښتونکو هویت او د پېښې نور جزییات نه دي په ډاګه کړي.
د طالبانو له واکمنیدو سره په افغانستان کې د انسان تښتونې او نورو جنايي پېښو خبرونه زيات شوي دي.
طالبان بيا د تښتونکو د نیولو او تښتول شویو کسانو په ژغورلو کې د ډېرو هڅو او لاسته راوړنو خبر ورکوي.