تاند(دوشنبه، د جوزا ۲) په هرات کې د پولیو یا ګوزڼ ناروغۍ پر ضد د واکسينو د عملي کیدو کمپاين پيل شو او تمه ده، چې ۷۲۰ زره ماشومانو ته به تطبيق شي.
په دې کمپاين کې به له پینځه کلنۍ څخه کم عمره ماشومان واکسين شي، څو په دغې ناروغۍ یې د اخته کیدو مخه ونیول شي.
طالب چارواکو د دغه کمپاين په اړه څه نه دي ويلي.
مخکې دا کمپاين د یونیسف او نورو نړیوالو روغتیايي ادارو له لوري تر سره کیدل.
د طالبانو جنګياليو په افغانستان له بيا واکمنیدو مخکې د داسې کمپاينونو د ترسره کيدو مخالفت کاوه.
په ځينو ولایتونو کې خو طالب جنګيالي د واکسیناتورانو په وژلو هم تورن شوي دي.