د هند غوره ليګ سياليو په لړ کې وړمه ورځ د چينای سوپر کېنکز او بنګلور لوبډلو ترمنځ سيالي ترسره شوه، د دې سيالۍ په جريان کې د لوبغالي ګرد چاپیره ناستو نندارچيانو کې یوه نجلۍ را پورته کېږي، د بېنګلور لوبډلې يو خوښوونکي ته د واده وړاندیز کوي، جالبه دا چې هلک هم بې تفاوته نه پاتې کېږي او دا وړاندیز يې په سر سترګو مني.
کریک ټریکر وېبپاڼې تازه يو انځور خپور کړی، چې پکې ليدل کېږي؛ یوه نجلۍ پر خپل ځای ناسته ده او هلک ورته ولاړ دی، دواړه خوښ دي او د واده وړانديز يې مني، په انځور کې ليدل کېږي، چې نجلۍ هلک ته د نامزادۍ ګوته ور په لاس کوي.
Tag an RCB fan and ask him when he's getting this kind of proposal😂
📸: Disney+Hotstar pic.twitter.com/NLHRuD6yW0
— CricTracker (@Cricketracker) May 4, 2022
د ويلو ده، چې د هند په غوره لیګ کې دا لومړی ځل نه دی چې د هلک او نجلۍ له لوري يو بل ته د واده وړانديز کېږي، بلکې له دې وړاندې هم د هند په غوره ليګ او نورو ليګونو کې داسې شوي دي.