تاند(چهارشنبه، د ثور ۱۴مه) که یوه ستره اسماني ډبره (Asteroid) په سمندر کې ولوېږي نو څه به پېښ شي؟ ساینس فایب (Science Vibe)، چې ساینسي موضوعات خپروي، په یوه راپور ویلي او په ویدیو کې د کمپیوټري ماډل په وسیله ښوولي چې که په سمندر کې یوه ستره اسماني ډبره ولوېږي نو د اوبو سترې څپې به شاوخوا ته خپرې شي.

دوی د مثال په توګه ویلي چې که داسې یوه ډبره د امریکا ختیځو سواحلو ته نژدې ولوېږي د اوو مترو لوړې څپې سېل به له نیویارکه تر جورجیا پورې جاري شي. خو که د امریکا په لوېدیځه سمندرغاړه کې ولوېږي نو کلیفورنیا ایالت به تر سېل لاندې شي.