تاند:( شنبه، د ثور لسمه) د افغانستان د بریښنا شرکت چارواکي وايي، چې د ۱۵۰ میګاواټو په ظرفیت د وارداتي برېښنا یو لنډ مهاله سرکیټ يې بيرته نښلولی دی.
د دغه شرکت په یوه اعلامیه کې راغلي، چې د برېښنا شرکت تخنیکي ټيمونو د پرله پسې هلو ځلو په پایله کې نن د وارداتي پرې شوې برېښنا یو لنډ مهاله سرکیټ ونښلاوه.
سرچينه زياتوي: « ددې لنډ مهاله سرکیټ په رغاوي سره ۱۵۰ مېګاواټه برېښنا بېرته ونښلول شوه.»
بریښنا شرکت نن سهار ويلي وو، چې تېره شپه د وارداتي برېښنا دوه پايې د پروان ولايت په سالنګ ولسوالۍ کې الوزول شوي دي.
د طالبانو يوه ځايي وياند کامران حبیبي ويلي، چې په دې تور یې دوه تنه نیولي هم دي، چې پر خپل جرم یې اعتراف کړی دی.
د بريښنا پايو د الوزولو په اړه نور جزییات په دې لینک کې ولولئ: