تاند:( پنجشنبه ، د ثور اتمه) د بلخ ولايت په مرکز مزارشريف ښار کې نن ماښام د دوو چاودنو خبر ورکړل شوی.
لومړني راپورونه وايي، چې په دې چاودنو کې ۹ تنه وژل شوي او ۱۳ نور ټپيان دي.
خبري سرچینې وايي، چې يوه چاودنه د کارته سجادیه په نوم یوه سیمه کې چې ډېری اوسیدونکي یې شیعه ګان دي، پر یوه ټونس موټر شوې ده.
په خپرو شويو عکسونو کې لیدل کیږي، چې په هدف ګرځول شوي موټر کې اور لګېدلی.
د دويمې چاودنې خبر هم ورکړل شوی، خو جزییات یې لا نه دي تر لاسه شوي.
د دې چاودنو په اړه طالب چارواکو څه نه دي ويلي.