تاند:( جمعه، د ثور دويمه) په کابل کې د پاکستان سفير منصور احمد خان، چې ځینې منتقدین یې د پاکستان وايسرای هم بولي، د افغانستان په مختلفو ولايتونو کې پر جوماتونو وروستي بریدونه غندلي دي.
نوموړي ويلي، چې د پاکستان د بهرنيو چارو وزارت په یوه اعلامیه کې د مزار شريف، کندوز او یو شمېر نورو ولايتونو په جوماتونو کې چاودنې غندلي او ژوره اندیښنه یې پرې څرګنده کړې ده.
د پاکستان سفير زياتوي، چې هېواد یې « د ترهګرۍ د بلا» پر وړاندې د افغانستان د خلکو او دولت ملاتړ کوي.
نوموړی دا څرګندونې په داسې مهال کوي، چې په وروستيو کې د افغانستان له مختلفو سيمو د نا امنۍ مختلف راپورونه ترلاسه کيږي.
پاکستان په دې اعلاميه کې طالبانو ته « د افغانستان د دولت» ټکی په داسې وخت کارولی، چې په د طالبانو حکومت په رسمیت نه پیژني.
پر پاکستان تور او نيوکې دي، چې د طالبانو له واک ته رسولو سره د اوسني افغان کړکېچ يو اصلي لامل دی، خو دغه هېواد دا تورونه ردکړي دي.
ولى يى غندنه كوي؟
پرون يى چی پر چا کول هغوى نن واكمن كري دي. مور خو د همدوى له لاسه كريرو. د اغزن تار په نوم پروزی پيسى يى له امريكا واخيستى. خاوره يى د افغانستان لاندى كره، خو تروريزم ورك نه شو.