تاند:( سې شنبه، د حمل ۲۳ مه) په کابل کې د قزاقستان سفير علیم خان یسین د طالبانو د پېښو ته د رسیدګۍ په چارو کې د دولت وزیر ملا محمد عباس آخند، سره په کتنه کې، افغانستان ته د بشري مرستو په برخه کې د یاد هېواد پر ژمنو خبرې کړي.
د باختر آژانس په حواله؛ په دې کتنه کې ملا محمد عباس آخند په تېرو کلونو کې د قزاقستان د سخاوتمندانه مرستو مننه وکړه او په افغانستان کې یې د بشري مرستو په برخه کې د دغه هېواد نقش وستایه.
هغه وویل چې دغه وزارت یو غیر سیاسي بنسټ دی چې کړنې یې د زیانمنو شویو او زیانمنېدونکو قشرونو ستونزو ته رسېدنه ده.
هغه زیاته کړه چې په روان کال کې د بارانونو کمښت د افغانستان خلک ډېر زیانمن کړي او د قزاقستان له سفیر څخه یې وغوښتل چې د افغانانو لاسنیوی وکړي.
په کابل کې د قزاقستان سفیر ویلي، چې هېواد یې د اسلامي همکاریو سازمان د ژمنې پر بنسټ، په نيږدې راتلونکي کې به له افغانستان سره د ۱۷ ټنه اوړو او د اوبو د تصفیه کوونکو مرسته وکړي.
قزاقستان مخکې هم له افغانستان سره ورته بشري مرستې کړې وې.
17 ټنه وړه خو زه هم مرسته کولی شم او میدیا به خبره هم نکړم / دا دیوه مملکت لپاره دشرم ځای دی چی ۱۷ ټنه کمک کوی بیا یی په میدیا هم خپروی // ۱۷ ټنه یعنی نیمه لاری هاهاهاهاهاها