تاند:( شنبه، د حمل ۲۰ مه) د طالبانو امنيتي چارواکو له انسان تښوونکو څخه د یوې نجلۍ په ګډون د تښتول شویو دوو تنو د را خلاصولو خبر ورکوي.
د طالبانو په يوه اعلاميه کې راغلي، چې په کابل کې یې د يوې ښځې په ګډون ۵ تنه د یوې نجلۍ د تښتولو په تور نیولي دي.
.
ويل شوي، چې دغو کسانو څو ورځې مخکې يوه نجلۍ له کابل ښار څخه تښتولې وه، چې له منګولو یې را خوشې کړل شوه.
طالب چارواکو دا هم ويلي، چې په ننګرهار کې يې د چاڼيزو عملياتو پر مهال د احسان الله په نوم يو تن، چې ۲۸ ورځې وړاندې له بهسودو ولسوالۍ څخه تښتول شوی و تر موندلو وروسته ازاد او د خپلې کورنۍ غړو ته وسپاره.
د طالبانو له بيا واکمنیدو سره د انسان تښتونې پېښې زیاتې شوې وې، خو طالب چارواکو یې د مهارولو او عاملينو د نيولو خبر ورکړی.