تاند:( چار شنبه، د حمل ۱۷ مه) د افغانستان د فوتسال ملي لوبډلې لوبغاړو په مقدماتي اسيايي سياليو کې د ګډون په موخه قرغيزستان ته سفر وکړ.
د باختر آژانس د راپور له مخې، دغه لوبغاړي له ایران څخه د قرغزیستان د پلازمېنې بيشکک پر لور خوځيدلي.
د بيشکک په هوايي ډګر کې لسګونه افغان کډوالو د يادو لوبغاړو هرکلی کړی دی.
د افغان لوبډلې روزونکي مجید مرتضايي ويلي، چې له يادو سياليو مخکې دوی په ايران کې يوه مياشت د چمتووالي په موخه تېرې کړې وې.
تمه ده، چې په قرغزیستان کې د اسيايي هېوادونو لومړنۍ لوبې تر راتلونکو څلورو ورځو تر سره شي.
افغان لوبډله به په دې سیالیو کې له تاجیکستان، ازبکستان او نیپال سره ولوبیږي.