تالبان پدی خبرو چی ټول نړیوال شرایط يی پوره کړی او حکومت يی ټول شموله دی یوازی او یوازی خپل ځانونه تیرباسی

که نړیوال د تالبانو حکومت په رسمیت هم و پیژنی دا کار هغه کورنی مشکلات چی ددوۍ انحصار ی واکمنۍ او کار اهل کار ته نه سپارلو را منځ ته کړی نه شی حل کولی او پایلی به يی د هغو رژیمونو نه بل ډول نه وی چی ددوۍ نه مخکی په زور واکمن شوی وو او خپل ځانونه يی د افغانستان بر حق او مشروع واکمنان ګڼل.

مخکی له دی چی افغانستان د یوی بلی غمیزی او ناورین سره مخامخ شی اوسنی زورواکانو ته پکار ده چی د افغانستان اساسی او بنیادی مشکلات په نظر کی ونیسی او دولس رایو ته اهمیت ورکړی او د یو داسی حکومت د جوړولو لپاره ګا مونه پورته کړی چی په رښتینی ډول پراخ بنسته او دافغانستان ټولی پرګنی پکی خپل ځانونه ووینی
او هغه خلک چی په کارپوه وی او په درغلیو او خیانتونو کی لاس ونه لری په کارونو وګماری چی پدی کی میرمنی او سړی شامل وی.

که څه هم زه پدی باور نه لرم چی تالبان به دولس رایو ته اهمیت ورکړی ځکه چی دوۍ چی د واک ته د رسیدو نه مخکی کومی خبری او وعدی کړی وی هغه يی د خپو لاندی کړی دی او یوازینې هدف يی اوس د نړیوالو نه د رسمیت پیژندلو غوښتنه ده.

که چرته تالبانو د ولس رایو ته احترام درلودی نو هیڅکله به يی عام ولس د ملی بیرغ سره د مینی له امله په عام محضر کی نه بی عزته کولی، ځورولی او ذلیله کولی خو په پوره ډاډ ویلی شو چی تالبان د ولس د رایو احترام نه بلکه په خپل زور باور او اتکا کوی او دا کار ددې غمازی کوی چی افغانستان به خدای مکړه يو ځل بیا د کورنیو جګړو په لمبو کی یو وار بیا وسوځی.