تاند:(چارشنبه، د حوت ۱۸ مه) د طالبانو د حکومت وياندويان وايي چې د ملي دفاع وزارت سرپرست محمد یعقوب مجاهد د امنیتي وضعیت د ارزونې لپاره نیمروز ته سفر وکړ.
دغو وياندويانو په دې اړه نور جزییات نه دي ورکړي.
په نیمروز کې له ایران سره پر ګډه پوله روانه اونۍ د طالبانو او ايراني ځواکونو تر منځ د وسله والې نښتې خبر ورکړل شو.
په دې نښته کې د دوو ايراني سرتېرو د وژل کیدو يادونه ادعا شوې وه، خو د دواړو لوريو رسمي سرچينو د تلفاتو په اړه څه نه وو ويلي.
معلومه نه ده، چې ملا یعقوب په دې سفر کې څه اجنډا لري.
د طالبانو له واکمنیدو په راوروسته څه باندې ۶ میاشت کې د دوی او څو ګاونډيو هېوادونو ترمنځ په ګډه پوله کې ورته وړې نښتې شوي دي.