تاند:( چارشنبه، د حوت ۱۸ مه) په کابل کې د پاورلیفتینگ ورزشي فدراسيون رييس خواجه میر او يو ورور يې، چې ډاکټر و، له دوه ورځو راهیسې د طالبانو د استخباراتو د ادارې له لوري نیول شوي.
د خواجه میر ورور غلام قادر حیران ویلي چې د وروڼو د نیول کیدو دلیل یې نه دی روښانه.
نوموړي زياته کړې چې دغه وروڼه د کابل ښار د پنځلسمې ناحيې له پنجصد فامیلیو سیمې څخه نيول شوي دي.
د طالبانو د حکومت چارواکو او وياندويانو په دې اړه څه نه دي ويلي.
تر دې مخکې د یو شمېر بېدرکه شويو ورزشي مسوولانو د نادرکۍ پړه پر انسان تښوونکو ډلو اچول کیده، خو خواجه میر ویلي چې د وروڼو د بیولو لپاره یې د طالبانو د استخباراتو ځواکونه ورغلي وو.
طالبان په وروستيو کې د ښځینه فعالانو او خپلو منتقدینو د نیولو له کبله سختو نيوکو سره مخ وو، خو د ورزش کارانو په نيولو د تورنیدو لامل او انګېزه يې نه ده روښانه شوې.