تاند، سه شنبه، د ثور ۳۰مه: د زابل ولایت میزانې ولسوالۍ په خاک تپه سېمه کې پر یو شخصي تونس ډوله موټر ماین چاودنې د ۲ ماشومانو په ګډون ۴ تنه وژلې او ۴ ښځې او ۴ ماشومان ټپیان دي.
د زابل ولایتي چارواکي وایي چې دغه چاودنه تیر ماښام ناوخته رامنځته شوې.
د زابل ولایت امنیه قومنداني په یوه خپره کړې اعلامیه کې وایي چې دغه ماین وسلوالو طالبانو ځای پر ځای کړی و چې هدف یې لا تر اوسه نه دی څرګند شوی.
خو وسلوالو طالبانو بیا تر اوسه د دې برید په اړه رسنیو ته څه نه دې ویلي خو افغان حکومت وایي، په وروستیو کې د دغې ډلې بریدونه پر ملکیانو او افغان ځواکونو زیات شوي دي.