تاند: ( يکشنبه ، د دلوې څلور ویشتمه) د طالبانو تر ولکې لاندې د افغانستان بانک چارواکي وايي، چې د طالبانو له واکمنیدو وروسته څه باندې 345 میلیونه ډالره مرسته ورته را رسیدلې ده.
د دغه بانک په يوه اعلاميه کې راغلي، چې نن هم د افغانستان نړيوال بانک خصوصي بانک ته ۳۲ میلیونه ډالره نوره بشري مرسته را رسیدلې ده.
ويل شوي، چې دا د دغو نقدي مرستو ديارلسمه بسته ده.
افغانستان بانک د يادې مرستې په اړه نور جزییات نه دي ورکړي.
مخکې د ملګرو ملتونو سازمان ویلي وو، چې دا نقدې پيسې دوی د بشري مرستې په توګه افغانستان ته استوي.
ياد شوي سازمان ټينګار کړی، چې مرستې به ېې د خپلو اړوندو مرستندويو ادارو په واک کې وي او طالبان به لاسرسی نه ورته لري.