تاند: ( يکشنبه ، د دلوې څلور ویشتمه) د افغانستان د پاسپورټ ریاست ویلي، چې په کابل کې ېې خپل فعاليتونه له سره پيل کړي دي.
دغه ریاست په یوه اعلامیه کې ویلي، چې د کابل اوسيدونکو ته د تېر په شان بيا پاسپورټونه ویشي او مراجعين ورته ورتللی شي.
د پاسپورټ ریاست د کارونو د ځنډ لامل د پاسپورټ په اړوندو ځینو ماشينونو کې تخنيکي ستونزې ګڼل شوې وې.
په وروستيو کې په ننګرهار، پنجشير او بغلان ولايتونو کې هم د پاسپورټ د وېش چارې ځنډیدلي دي.
د طالبانو له واکمنیدو وروسته، ډېر افغانان د پاسپورټ اخيستلو او هېواد پريښودو په هڅه کې دي، چې له دې کبله د پاسپورټ د وېش پر ادارو ګڼه ګوڼه زياته شوې او حتا د فساد ادعاوې پکې کیږي.
طالب چارواکو بیا په دې برخه کې د لسګونو کمیشن کارانو د نیولو خبر ورکړی.