تاند: ( پنجشنبه ، د دلوې يوويشتمه) د طالبانو د کورنیو چارو وزیر سراج الدين حقاني نن په کابل کې د چین له سفیر وانګ یو سره لیدلي.
د طالبانو کورنيو چارو وزارت په يوه اعلاميه کې ويلي، چې په دې لیدنه کې سراج الدین حقاني د چین له بشري مرستو مننه وکړه او دغه هیواد سره يې پر مثبتو اړیکو ټينګار وکړو.
سرچينه د چین د سفیر سفیر وانګ په حواله وايي، چې چین د افغانانو ترڅنګ ولاړ دی او کوښښ کوي څو د طالبانو د حکومت په اړه د سيمې هیوادونه ته ډاډ ورکړي چې د نړۍ او سيمې د هیوادونو سره په متقابل درناوي ولاړې اړيکې غواړي.
دا په داسې حال کې ده، چې خپله د چین په ګډون د نړۍ هیڅ کوم هیواد تر اوسه د طالبانو حکومت په رسمیت نه دی پېژندلی.
پر افغانستان د طالبانو د بیا ځلي واکمنۍ د ټينګښت شاوخوا شپږ مياشتې کيږي، خو اوس طالب چارواکي د حکومت په رسمیت پېژندلو ته ېې هیله من دي.