تاند: ( سې شنبه ، د دلوې نولسمه) په هلمند کې د طالبانو ځايي چارواکو ویلي، چې په دغه ولايت کې له تېرو درېيو میاشتو راهیسې ۱۳۰۰ ترافیکي پېښې شوې دي.
د طالبانو د اطلاعاتو او فرهنګ سیمه ییز ریاست په هلمند کې د بست روغتون د مشر له خولې ویلي، چې په دغو ترافیکي پېښو کې ۲۶ تنه وژل شوي او تر زرو ډېر ټپیان شوي دي.
د هلمند د ترافیکو مدیر د ترافیکي پېښو لاملونه بې احتیاطي او د ترافیکي اصولو نه مراعتول یاد کړل.
په وروستيو ورځو کې نیږدې هره ورځ له هلمند ولايت څخه د څو ترافيکي پېښو خبرونه ورکول کېږي.
ترافيکي پېښې له لویه سره په ټول افغانستان کې یوه جدي ستونزه ده، مخکې يې د مرګ ژوبلې کچه د جګړې معادل ګڼل کېده.