تاند: (دوشنبه ، د دلوې اتلسمه) طالب چارواکي وايي، چې د نیمروز په مرکز زرنج ښار کې یې ځواکونو ایرانی ډاکټر جواد قرباني نن سهار د انسان تښتوونکو له منګولو ازاد کړ.
د طالبانو د خبرپاڼې له مخې، نیمروز د امنیت آمر وویل چې دغه قرباني یوه میاشت مخکې د ایران له مشهد ښار څخه تښتول شوی و او بیا دهرات له لارې نیمروز ته لېږدول شوی و.
طالب چارواکي وايي، چې د یادې قضیې په تړاو درې تنه هم نیول شوي دي.
ایراني چارواکو په دې اړه څه نه دي ويلي.
په وروستيو کې په افغانستان کې د انسان تښتونې د پیښو د زیاتوالي او دغه راز د تښتونکو له منګولو څخه د تښتول شویو د خوشې کیدو خبرونه زیات شوي دي.