تاند: ( یکشنبه ، د دلوې اوولسمه) د طالبانو د حکومت د عامې روغتيا وزارت وايي، چې سرطان ناروغي په افغانستان کې هر کال تر ۲۰ پورې کسان وژني.
د روغتيا وزارت د پلان او پالیسۍ مرستيال محمد حسن غياثي ويلي، چې هر کال تر ۴۰ زره پورې کسان په افغانستان کې په سرطان ناروغۍ اخته کیږي.
نوموړي له سرطان سره د مبارزې د نړېوالې ورځې په نمانځغونډه کې ويلي، چې افغانستان کې هر کال د سرطان له کبله له ۱۶ تر ۲۰ زرو پورې کسان له ژونده محرومیږي.
نوموړي په نړیواله کچه د سرطان ځپلو ناروغانو کچه ۴۴ میليونه کسان ښودلي.
افغانستان د سرطان له کبله دومره تلفاتو سره لا هم د دې ناروغۍ د درملنې لازم امکانات نه لري.
د افغانستان د جمهوري نظام په وروستيو کې د سرطان ناروغۍ د درملنې لپاره د ځانګړي روغتون د جوړولو غوښتنه شوې وه، چې حکومت ورته د پاملرنې ژمنه کړې وه.
معلومه نه ده، چې په دې برخه کې پرمختګ شوی کنه او د طالبانو حکومت به په دې تړاو څه ګامونه اخلي؟