تاند: ( جمعه ، د دلوې پینځلسمه) د طالبانو د حکومت رییس الوزرا ملا محمد حسن آخند په یو غږیز پیغام کې د اسلامي امارت ټولو مسوولینو ته لارښوونه کړې چې د خلکو خدمت وکړي.
طالب وياندويانو د نوموړي د ادعا شوي دغه غږيز پيغام په حواله ويلي، چې طالبان بايد د خلکو هر ډول شکایت ته رسیدګي وکړي او د ادارو دروازې له خنډ پرته د خلکو پر مخ خلاصې وساتي.
د دغه غږيز پيغام نور جزییات او خپله د ښاغلي حسن اخند غږ رسنيز شوی نه دی.
د ځینو شنونکو په باور د طالبانو د چارواکو دا ډول څرګندونې په دې اعتراف کول دي، چې دوی د خلکو خدمت نه دی کړی، دروازې يې پر مخ تړلي او شکايتونه ورڅخه ډېر دي.
ګومان کېږي، چې دا څرګندونې به د ټول شموله حکومت د جوړولو او په دې برخه کې د لومړنيو ګامونو لپاره د طالب چارواکو مقدمه سازي وي.
د طالبانو د بهرنيو چارو وزير مولوي امیر خان متقي پرون رد کړه، چې په دې برخه کې ځينې پيل شوي اقدامات د بهرنيو فشارونو په آساس نه، بلکې د خپلې پالیسۍ له مخې کوي.
طالبان په وروستيو کې د نړيوالې ټولنې تر سخت فشار لاندې دي، څو د ټول شموله حکومت د جوړولو او د ښځو په ګډون د ټولو قشرونو نقض کړي حقونه بيرته اعاده کړي.
I AM VERY SORRY FOR MY COUNTRY;
MY DEAR AFGHANS PLEASE WATCH;
ONE PRIMINISTER OF ONE COUNTRY LOOK LIKE TO SET IN ONE TEAHOUSE.
ALL TALIBLEADERS CAN NOT SPEECH TO ANANCE POLICY OF COUNTRY.
WHERE IS FOREIGN POLICY&INTERNAL STRATEGY FOR REBUILD../AGRECALTURE/ECONOMY.
NOW AFGHANISTAN LIKE ONE ECONOMY FREE MARKET.FOR PAKISTAN .
UNIVERSITY SHOULD OPEN BUT WHERE PROGRAM FOR TEACHING.WHERE IS FREEDOM FOR
LICTUR OF PROFESSORS.