تاند: ( دوشنبه ، د دلوې یوولسمه) د ایران پخوانی ولسمشر محمود احمدي نژاد وايي، چې د سیمې هېوادونه به ژر د طالبانو د ملاتړ له کبله پښېمانه شي.
نوموړي په يوه تازه مرکه کې ويلي، چې د سیمې هېوادونو له طالبانو څخه د ملاتړ له کبله تاریخي تېروتنه کړې ده.
د احمدي نژاد په وینا طالبان کوم راتلونکی نه لري او د افغانانو ترڅنګ یې د سیمې هېوادونه هم نه زغمي او نه تعامل ورسره کولای شي.
د يادونې وړ ده، چې محمود احمدي نژاد د افغانستان د جمهوري نظام په وروستيو مياشتو کې د افغانستان له یوې مشهورې ټلویزیوني خپرونې سره په مرکه کې له طالبانو څخه د خپل هېواد د استخباراتي ادارې ملاتړ هم تایید کړی او د دې ملاتړ د بدو پایلو خبرداری ورکړی و.
د سیمې هېوادونو د طالبانو د واک ته رسولو او حکومت څخه به ښکاره ډول د رضایت او نه رضايت خبره نه ده روښانه کړې، خو تر اوسه یې د تر ټولو ستر متحد او مدافع پاکستان په ګډون هېڅ يوه د طالبانو رژيم په رسميت نه دی پېژندلی.
نوره هیڅ خبره نشته په ارګ کې اوس دوه ټکي پښتو وېیل کیږي او خبرې پرې کیږي چې نه یې ایران غواړي او نه کلابي تاجکبازان ! ایران د شيعه مذهب له خاطره هم لویه اندیښنه لري !!