تاند: ( شنبه ، د دلوې نهمه) د طالبانو د بهرنيو چارو وزارت وايي، چې سرپرست وزیر یې مولوي امیرخان متقي نن د یاد وزارت په ستوري ماڼۍ کې د پاکستان ملي امنيت سلاکار معید یوسف او ورسره مل پلاوي سره لیدلي.
د سرچينې د معلوماتو له مخې، په دې لیدنه کې یوسف د خپل حکومت له لوري د همکاریو ژمنتیا څرګنده کړه او یادونه یې وکړه چې د دواړو هیوادونو لیدلوری اقتصاد محوره دی.
نوموړي ويلي: او دا یو مثبت پرمختګ دی ، د دې فکر د قوي کولو لپاره به په ګډه کار کوو.
د پاکستان د ملي امنیت سلاکار وویل؛ حکومت یې چمتو دی چې د چمن او طورخم لارو کې د تګ راتګ په برخه کي همکاري وکړي تر څو د ټرانزیټ او په دروازو د تلونکو، راتلونکو خلګو ته سهولتونه رامنځ ته شي.
هغه ويلي، چې دوی بهد ترانزیټ لپاره خلاصه کړي او له طالب لوري هم غواړي چې د دوی سوداګرو ته اسانتياوې برابرې کړي.
د طالبانو د بهرنيو چارو وزارت وياند عبدالقهار بلخي وویل، چې په دې لیدنه کې هوکړه وشوه څو د سوداګرۍ د لاښې ودې په هدف د دواړو غاړو ګډه کمېټه جوړه شي.
سرچينه وايي، چې دا کمېټه به د سوداګرۍ په برخه کې راتلونکې خنډونه حل او تجارت ته وده ورکړل شي.
داسی کمیټی ډیری جوړې شوې. پاکستان تر اوسه د هند خیراتی غنمو ته لار نه ورکوی چی افغانستان ته را انتقال شی.
د دښمن په خوږه مه نازېږئ او د ژمي په توده .
داچې د ملي امنیت د سلاکار دنده څه ده او د کوم مقصد لپاره افغانستان ته راغلی ، دابېل بحث دی او پاکستان یا پنجاب د افغانانو لپاره هېڅکله هم دوست نشي کېدی.
څو موده مخکې مو د افغان سوداګرو د تازه مېوو بار لارۍ ولیدلې چې ستاسو دوست لاره پرې بنده کړه او ټول خوسا شول . د منافقانو عهد او قول همدا وي .
تورخم پښتو کلمه ده ، د عربي په ط یې لیکل کاملا غلطه املاء ده .