تاند: ( جمعه ، د دلوې اتمه) د کندوز د خان آباد ولسوالۍ په چاريکاريانو کلي کې ۲ وروڼه د ناڅرګندو وسله والو په ډزو وژل شوي.
ځايي سرچینې وايي، چې وژل شوي وروڼه دواړه د جمهوري نظام د امنیتي او دفاعي سکتور له منسوبینو څخه وو او په ډېر ګومان له همدې کبله وژل شوي دي.
د عيني شاهدانو په وينا، دغه کسان د طالبانو د پوځي جامو د اغوستونکو کسانو په ډزو وژل شوي
د کندوز امنيه قومندانۍ په يوه اعلاميه کې د دغو کسانو وژل کيدل تاييد کړي، خو ویلي چې ۶ تنه يې په تور نیولي دي.
سرچينې نه دي ويلي، چې نیول شوي کسان طالبان دي که نه دي، خو دا یې منلې چې پوځي لباسونه یې په غاړه دي.