تاند: ( جمعه، د دلوې اتمه) د طالبانو د اطلاعاتو او فرهنګ وزارت د فرهنګ او هنر مرستيال مولوي سعدالدین سعید وايي، چې د منار جام په ګډون د ټولو تاريخي اثارو د خطرونو د مخنيوي لپاره تدابيري ګامونه اخلي.
نوموړي د يونېسکو سازمان استازي سره په لیدنه کې ویلي، چې د سېلابونو له ګواښه د غور د جام منار د ژغورلو لپاره به د غور د سیند پاک کاري وکړي.
دغه طالب مقام یونیسکو سازمان ته ډاډ ورکړی، چې د نورو داسې خطر سره مخامخو اثارو په اړه به هم لازم تدابیر ونیسي.
د طالبانو د اطلاعاتو او فرهنګ وزارت ويلي، چې یونیسکو سازمان هم په دې برخه کې د ډېرو همکاريو ژمنه کړې ده.
د يادونې وړ ده، چې د غور منار جام په وروستيو کې د ډېرو ورښتونو او سېلابونو له کبله د نړیدو خطر سره مخامخ دی.