تاند: ( جمعه ، د دلوې اتمه) د طالبانو د دفاع وزارت سرپرست مولوي محمد یعقوب مجاهد کندز او بدخشان ته په سفر کې خبرداری ورکړی، چې دښمن د افغانستان د وروڼو قومونو ترمنځ د بېلتون اچولو هڅې کوي.
هغه په ورته وخت کې ويلي، چې طالبان د دغو دسيسو د ختمولو لپاره يوه ځواکمنه« اسلامي اردو» غواړي جوړه کړي.
ملا یعقوب مجاهد دا هم ويلي، چې د طالبانو ترمنځ د بدخشاني، قندهاري، ننګرهاري او فاریابي توپیر نشته او ټول سره وروڼه دي.
د طالبانو د پوځ لوى لوی درستیز قاري فصیح الدین فطرت د دغه سفر پر مهال ويلي:«په افغانستان کې شل کلنه جګړه د اسلام پر ضد وه، چې د خدای په فضل سره یې د طالبانو د وسله والو ځواکونو پر مټ ماتې وخوړه؛ خو دوی لا هم په منفي او دروغجنو تبلیغاتو خپلې دښمنۍ ته دوام ورکوي.»
هغه دا هم وويل: هر مجاهد دې په یاد ولري چې حکومت په کفر سره دوام کولای شي؛ خو په ظلم سره دوام نه شي کولای.
طالب دفاع وزير او لوی درستیز د خپلو انديښنو په اړه نور جزییات نه دي ورکړي.
طالب که غواړي چې په افغانستان کې ځان ټينګ کړي،د افغانانو له ترورو نه دې لاس واخلي، پخواني نظامیان اوس هره ورځ د نامعلومو کسانو له خوا په نوم وژل کيږي او ورک کیږي، پهرولا چې طالب دې قتل نه لاس وانخلي که دوی هم په ارامه پاتې سي