تاند: ( چار شنبه، د دلوې شپږمه) د اسيا پراختيايي بانک اعلان وکړ، چې له افغانستان سره ۴۰۵ ميليونه امريکايي ډالره مرسته کوي.
د دغه بانک په يوه اعلاميه کې راغلي، چې دا پيسې به د ملګرو ملتونو ۴ ادارو ته ورکړل شي، څو په افغانستان کې د غذايي امنيت، روغتيا او ښوونې په برخو کې ېې ولګوي.
طالبانو د دې مرستې په اړه کوم غبرګون نه دی ښودلی.
په وروستيو کې دوی تورن شوي، چې افغان فقر ځپلو او بېوزلو ته ځانګړې شوې مرستې پر خپلو جنګیالیو وېشي.
د ملګرو ملتونو د ارقامو له مخې، په افغانستان کې تر ۲۲ میليونو ډېر خلک د فقر له شدید بحران سره مخ شوي دي.